中醫覆診@10/30

上個星期因為醫師請假，所以中間10/22配左一次中藥(兩劑)。今日覆診一見醫師當然即刻問佢請假去邊度玩啦〜原來佢去左武漢參加籃球比賽，仲系70歲組別到攞到冠軍添，真系好勁呀。。。醫師佢好好人，仲比攞到獎嘅相我睇添，佢着住套比賽運動服時真系英姿勃勃，唔知何太系咪咁追到手呢~嘿嘿♪♪♪聽完之後我都覺得好自豪呀，因為我睇緊嘅醫師系文武雙全架，yeah(^O^)

膀胱炎

今朝膀胱感覺最差，於是打左電話去泌尿科中心，姑娘話馬醫生放緊假，最快都要22號返，雖然嗰度仲有4〜5個醫生可揀，但我唔知揀邊個好，姑娘就叫我返去留小便同做快速測試。

下午到達後，容姑娘（應該系專責馬醫生嘅姑娘）幫我啲vv用左快速測試，證實有小量白血球，跟住就話要將啲小便送去化驗，睇吓入面系咩菌，先可以對證下藥喎。結果要下星期二先知，叫我暫時飲多啲水，可舒緩病情。仲話我反證都挨左5日，唔爭在等吓。真無奈=.=今日埋單$300化驗費。

排卵日

今日下午456點左右（確實時間真系唔記得左），右邊腹部開始痛，一直痛到晚上10點半多，越夜腹部就越痛，仲攪到個人好攰好眼訓，連力都唔想出。心唸要排卵喇，老公仲唔快啲返黎交功課（≧∇≦）醫師叫我地要努力做功課架。。。

差不多11點，返黎喇，等到人地條頸都長喇。之前三個月都系左邊，難得今次系右邊仲唔嗱嗱臨。不過，我都有啲擔心，因為以前左邊排會痛，右邊一系唔痛，一系得少少yuen痛，但今次就好明顯，希望唔系朋友所講嘅不通則痛啦。

中醫覆診@10/9

今日第一次早上去睇醫師，以前通常都系㨂下午去睇佢。可能因為太晏，攪到每次返到屋企都要拿拿臨煲藥，有時飲完成碗藥後，攪到飽得滯冇乜胃口食晚飯，所以唸唸吓都系試吓改朝早去睇佢啦。。。

今日醫師問我點樣呀？我話ok呀，今日day12，宜家等緊排卵。佢就問我啱啱呢次黎m嘅時候痛唔痛呀？我話以前多數系左邊yuen痛，但今次系中間喔（其實上次佢問我嘅時候，我講過一次喇）跟住我即刻同佢講我跑左5日步呀。佢就笑笑口話好吖。跟住就問我夜晚訓得好嗎？我就話可能日頭跑完步，所以夜晚都幾好訓。接住醫師就話仲有啲咩呀？我話系甘多喇。。。點知醫師即系話仲要努力先得架？！跟住就話開啲加強有b嘅藥比我。。。唔知系咪即系要我地比心機做功課呢XD。

P.S.今朝睇中醫時再次見到我第一次到嘉寧睇症時嘅大肚女仔，個肚睇落應該都有7、8個月，個女仔似系一直都有keep住睇何醫師。唔知佢之前系咪同我地好多人一樣都系經歷過辛路歷程先成功有b呢？如果可以分享吓咁就好喇。

中醫覆診@10/2

2013年10月2日，第7次睇何醫師喇，仲有兩日就足足飲左兩個月嘅中藥！每次見佢，佢都會問我訓成點呀？個人攰唔攰呀？仲有咩其他特別嘢呀？今次我就同佢講左我第一日行經時肚子中間小腹位置有啲yuen,但以前多數系左邊yuen痛！跟住我就問醫師跑步呢類運動適唔適合我，佢好快就話適合，仲話做到出汗就得。醫師話最好12點前訓覺，朝早8點左右起身做運動。以前排卵後我都唔系好敢跑，驚影響個胚胎，但醫師話唔緊要，仲話邊有咁化學吖。所以都系要的起個心做運動喇。我有同醫師講原本今朝打算早啲起身跑步，但因為懶同攰，所以冇跑到。我話聽日呢一定會乖架喇，醫師即刻笑笑口咁話：「我知，明日復明日，明日何其多！」我：「聽日真系跑架。」醫師即刻祝福我可以好快達成心願！哈，我當然即刻同醫師講「承您貴言」啦！