中醫覆診@10/9

今日第一次早上去睇醫師，以前通常都系㨂下午去睇佢。可能因為太晏，攪到每次返到屋企都要拿拿臨煲藥，有時飲完成碗藥後，攪到飽得滯冇乜胃口食晚飯，所以唸唸吓都系試吓改朝早去睇佢啦。。。

今日醫師問我點樣呀？我話ok呀，今日day12，宜家等緊排卵。佢就問我啱啱呢次黎m嘅時候痛唔痛呀？我話以前多數系左邊yuen痛，但今次系中間喔（其實上次佢問我嘅時候，我講過一次喇）跟住我即刻同佢講我跑左5日步呀。佢就笑笑口話好吖。跟住就問我夜晚訓得好嗎？我就話可能日頭跑完步，所以夜晚都幾好訓。接住醫師就話仲有啲咩呀？我話系甘多喇。。。點知醫師即系話仲要努力先得架？！跟住就話開啲加強有b嘅藥比我。。。唔知系咪即系要我地比心機做功課呢XD。

P.S.今朝睇中醫時再次見到我第一次到嘉寧睇症時嘅大肚女仔，個肚睇落應該都有7、8個月，個女仔似系一直都有keep住睇何醫師。唔知佢之前系咪同我地好多人一樣都系經歷過辛路歷程先成功有b呢？如果可以分享吓咁就好喇。